«ՏՎՅԱԼՆԵՐ ԺԱՄԱՆԱԿԻ ՄԵՋ․ Հայաստան.21» «ԱՅԼ» ցուցահանդեսը եռօրյա միջոցառում է, որը տվյալների ցուցադրման այլընտրանքային հեղինակային տարբերակ է, որը կազմակերպել էր ՀՌԿԿ-Հայաստանը։
ՀՌԿԿ-Հայաստանը 2003 թվականից իրականացնում է հանրային կարծիքի ուսումնասիրություններ։ Տարիների ընթացքում հավաքագրված տվյալների հանրայնացման այս փորձը թույլ է տալիս նորովի դիտարկել Հայաստանը և հասկանալ հայաստանյան հասարակությունը:
«ԱՅԼ» ցուցահանդեսը ներկայացնում էր հանրային կարծիքի դինամիկան 2005 թվականից սկսած՝ նշված թեմաների շուրջ`
- Ներքին քաղաքական համապատկեր
- Վստահություն հանրային ինստիտուների նկատմամբ
- Արցախյան հակամարտություն
- Հանրություն ու COVID-19 համավարակ
- Տեղական ժողովրդավարություն
- Մեդիայի ընկալումը Հայաստանում
- Կոռուպցիայի ընկալումներ
- Հասարակության արժեքային համակարգ
- Միգրացիա:
Օգոստոսի 7-ին «ՏՎՅԱԼՆԵՐ ԺԱՄԱՆԱԿԻ ՄԵՋ․ Հայաստան.21» «ԱՅԼ» ցուցահանդեսի ընթացքում 4 բանախոսներ հանդես եկան տվյալների հավաքագրման մասին զեկույցներով։ Մեր կենտրոնի կրթության ու զարգացման թիմի ղեկավար Անժելա Մովսիսյանը պատմեց առցանց հայտարարությունների միջոցով աշխատաշուկան վերլուծող «Edu2work» հարթակի մասին։
Միջոցառման տեսաձայնագրությունը կարող եք դիտել այստեղ։
Edu2work հարթակը «Կրթությունից՝ աշխատանք» ծրագրի բաղադրիչներից մեկն է: «Կրթությունից՝ աշխատանք» ծրագիրը իրականացվում է Հանրային Քաղաքականության Ինստիտուտի և Հայաստանի ԿԶՆ ազգային նորարարական կենտրոնի կողմից և ֆինանսավորվում է Մեծ Բրիտանիայի և Հյուսիսային Իռլանդիայի Միացյալ Թագավորության կառավարության կողմից։
× 197